Asime e a Universidade de Vigo, xunto ás empresas Coasa, Ana Muñiz, Dalot e PinFactory produciron 1.000 batas nos últimos días para doar aos servizos sanitarios e administracións públicas e paliar a escaseza de material de protección fronte ao coronavirus.
Asime e a Universidade de Vigo presentaron unha nova iniciativa solidaria en colaboración con Coasa, Ana Muñiz S.L., Transportes Dalot e PinFactory.
Baixo a coordinación de Asime e a UVigo, as empresas Coasa en Ourense, Ana Muñiz en Dodro, Transportes Dalot en Mos e Confección Maime en Boqueixón reorganizaron a súa produción para producir e distribuír de forma altruísta e solidaria 1.000 batas para persoal sanitario e asistencial.
RECONVERSIÓN EMPRESARIAL E MATERIAIS ESPECÍFICOS PARA O SECTOR SANITARIO O corte da tea realizouse nas instalacións de Coasa en Ourense, mentres que a confección levouse a cabo no taller de Ana Muñiz S.L. en Dodro.
O patrón realizouno PinFactory, mentres que a encargada da distribución é Transportes Dalot.
As empresas reconverteron a súa actividade, normalmente orientada á aeronáutica, confección e transporte loxístico respectivamente, e dedicaron os seus recursos e persoal a esta iniciativa solidaria co fin de contribuír a paliar o impacto do coronavirus e previr os contagios.
As batas confeccionáronse nun material bicapa, para cumprir co requisito indispensable da impermeabilidad para o seu uso en persoal sanitario. A capa interna é de polipropileno (PP), un material non tecido transpirable, mentres que a capa externa é de polietileno laminado, permitindo a impermeabilidad.
A iniciativa foi coordinada e posta en marcha por Asime e a Universidade de Vigo, que uniron forzas desde o inicio da crise para impulsar iniciativas conxuntas co sector empresarial na loita contra o coronavirus.
IMPLICACIÓN DE ORGANIZACIÓNS E EMPRESAS
Desde a Universidade de Vigo, que participou no proxecto con persoal investigador do grupo Encomat, Cintecx e do Campus de Especialización Vigo Tecnolóxico, consideran que a universidade, lugar de xeración de coñecemento e sen ánimo de lucro, debe estar ao servizo da sociedade: “A natureza altruísta destas iniciativas puxeron de manifesto que, en situacións difíciles como as que se están vivindo, a colaboración directa Universidade-Empresa permite conxugar as capacidades produtivas do noso tecido empresarial cos coñecementos científico-tecnolóxicos da Universidade”, sinala María Consolo Pérez, Vicerreitora de Transferencia.
Enrique Mallón, Secretario Xeral de Asime, destacou: “Desde Asime seguimos impulsando con toda a nosa determinación iniciativas solidarias para achegar o noso gran de area á loita contra o coronavirus. Estas batas, totalmente solidarias e coas características necesarias para protexer aos sanitarios, son o resultado da excelente colaboración coa Universidade de Vigo e empresas galegas comprometidas que se comprometeron con esta causa desde o primeiro momento”.
Ricardo Escolano, Xerente de Coasa: “Para COASA é un orgullo poder achegar o noso granito de area a este proxecto solidario nun momento no que todos sentimos afectados cunha causa común que é a de todos nós, axudar aos sanitarios que están en primeira liña na loita contra o covid-19’”.
Ramón Alonso, Administrador de Transportes Dalot, declarou: “Afeitos a diario a facer entregas moi urxentes en toda Galicia, desde Dalot foinos sinxelo involucrarnos neste proxecto no que tanto a empresa como o persoal estamos encantados de poder colaborar”.
Jose Luís Fernández, Administrador de Ana Muñiz, manifestou: “A nosa empresa está dedica normalmente a unha produción moi distinta, pero fixemos un esforzo para cambiar a nosa actividade e producir este tipo de batas, xa que é un proxecto co que nos comprometemos desde o principio e que foi posible grazas especialmente ao noso persoal, ao que lles agradecemos enormemente a súa achega e dedicación neste proxecto co que estamos abertos a seguir colaborando.”
