Inicio Latinoamérica Arxentina Arturo Villacorta abre en Bos Aires a sección Galicia en Documental do...

Arturo Villacorta abre en Bos Aires a sección Galicia en Documental do ciclo Galicia en Cine

arturo-villacorta-abre-en-bos-aires-a-seccion-galicia-en-documental-do-ciclo-galicia-en-cine

As luces de Sargadelos’, de Arturo Villacorta, abre hoxe en Bos Aires a sección Galicia en Documental do ciclo Galicia en Cine, a mostra da produción audiovisual galega actual que está a acoller a capital arxentina como parte da programación cultural organizada pola Xunta de Galicia para a 42ª edición da Feira Internacional do Libro.

A historia do que foi o primeiro complexo industrial de Galicia é a primeira fita de non ficción dentro desta escolma que se proxecta no Cine Gaumont do Instituto Nacional de Cine y Artes Audiovisuales de Arxentina (INCAA). A esta obra seguirán mañá ‘A imaxe Reb/velada’, traballo sobre o fotógrafo e debuxante Baldomero Pestana asinado por Andrea Vázquez; ‘Contra a morte, unha aproximación a Lois Pereiro’ o 1 de maio, no que Alexandre Cancelo e Iago Martínez tratan a figura do poeta monfortino; e ‘100% CEF. Unha biografía de Celso Emilio Ferreiro’, documental realizado por Aser Álvarez sobre o autor de Celanova, que pechará esta serie o 2 de maio.

arturo-villacorta-abre-en-bos-aires-a-seccion-galicia-en-documental-do-ciclo-galicia-en-cineAdemais destes catro títulos, que se están a proxectar en sesións matinais, conforman ‘Galicia en cine’ outras 13 longametraxes: ‘Lobos sucios’, de Simón Casal de Miguel, ‘A Esmorga’, de Ignacio Vilar; ‘Arraianos’, de Eloy Enciso; ‘A praia dos afogados’, de Gerardo Herrero; ‘As altas presións’, de Ángel Santos; ‘Inevitable’, de Jorge Algora; ‘Os fenómenos’, de Alfonso Zarauza; ‘No Cow on the Ice’, de Eloy Domínguez Serén; ‘O ouro do tempo’, de Xavier Bermúdez; ‘A árbore magnética’, de Isabel Ayguavives; ‘A cicatriz branca’, de Margarita Ledo Andión; e as películas de animación ‘Maimiño e o o espello máxico’, con dirección de Ernesto Padrón; e ‘Holy Night! Noite… de paz?’, do director Juan Galiñanes.

Mediante este programa organizado pola Axencia Galega das Industrias Culturais (Agadic), o público porteño ten a oportunidade de se achegar ao cine que se fai actualmente en Galicia e que está a ser recoñecido con múltiples premios e seleccións en importantes festivais internacionais.

- Publicidade -

ÚLTIMA REVISTA

+ VISTOS

SÍGUENOS

694FansGóstame
290SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies