Desde onte afectaba ás provincias da Coruña e Lugo pero esta tarde, en torno ás 18 h., estendese a Pontevedra con ondas que poderán superar os 5 metros
A Xunta recorda a necesidade de estremar as precaucións, seguir as medidas de protección pertinentes e consultar a súa web www.112galicia.org
A Dirección Xeral de Emerxencias e Interior da Vicepresidencia da Xunta alerta que o temporal costeiro de nivel laranxa que está a afectar desde onte ás provincias da Coruña e Lugo estenderase esta tarde ao litoral de Pontevedra.
Segundo informa a Axencia Estatal de Meteoroloxía (Aemet), esperase que a partir das 18 horas se produza en todo o litoral da provincia de Pontevedra un fenómeno de mar combinada do noroeste, con ondas que poderán superar os 5 metros de altura.
Nas provincia da Coruña e Lugo mantense a previsión de mar combinada e ondas de ata 6 metros, se ben na zona noroeste da Coruña esperanse ondas de ata sete metros e vento en mar, que poderá alcanzar a forza 8 en na zona de Ortegal e Estaca de Bares.
Por este motivo, e co fin de garantir a seguridade dos bens e as persoas, a Dirección Xeral de Emerxencias e Interior, a través do CAE 112 Galicia, informou da situación aos concellos das provincias afectadas; ás Deputacións, servizos provinciais e agrupacións de voluntarios de Protección Civil e aos clubs náuticos, entre outros. Deste xeito, agárdase que se adopten as medidas oportunas para garantir a seguridade dos bens e das persoas.
Tamén recórdaselle á poboación a importancia de seguir as medidas de protección como evitar aproximarse a diques ou rompentes co fin de previr un eventual golpe de mar que poida arrastrar persoas ou obxectos ou vixiar posibles caídas de obxectos desde balcóns e fiestras. Ademais, aconséllase consultar a páxina web do CAE 112 (www.112galicia.org), que conta con información meteorolóxica e con enlaces de interese.
