Inicio Galicia A Xunta alerta dun temporal de nivel laranxa que afectará a partir...

A Xunta alerta dun temporal de nivel laranxa que afectará a partir de mañá ao litoral da Comunidade

Mar-Baiona-Temporal-

A Dirección Xeral de Emerxencias e Interior da Vicepresidencia da Xunta alerta dun temporal costeiro de nivel laranxa que afectará ao litoral da nosa comunidade, a partir da tarde de mañá, sábado.

comillasNo mar espéranse ventos de forza 8 con ondas entre 6 e 8 metros

Segundo informa a Axencia Estatal de Meteoroloxía (Aemet), espéranse ventos do noroeste de forza 8, con mar combinada entre 6 e 8 metros, que dará comezo na tarde de mañá na costa da provincia de Pontevedra, A Coruña e na costa lucense

comillasAgárdanse incrementos dos caudais nos ríos, o que suporá posibles desbordamentos, de carácter puntual, polo que se activa o plan especial de Protección Civil ante o risco de anegamentos en fase de alerta

Ademais, a Dirección Xeral de Emerxencias e Interior tendo en conta os informes de Aemet, Meteogalicia, Augas de Galicia e a Confederación Hidrográfica, agarda novos incrementos dos caudais nos ríos da Comunidade Autónoma, o que suporá o enchido dos cauces e posibles desbordamentos, de carácter puntual, agardando un aumento dos niveis dos ríos en todo o fin de semana. En previsión destes feitos, a Dirección Xeral de Emerxencias e Interior, activa o plan especial de Protección Civil ante o risco de anegamentos en fase de alerta.

comillasO CAE 112 Galicia recorda a necesidade de estremar as precaucións, seguir as medidas de protección pertinentes e consultar a súa web www.112galicia.org

Por este motivo, e co fin de garantir a seguridade dos bens e as persoas, a Dirección Xeral de Emerxencias e Interior, a través do Centro de Atención ás Emerxencias 112 Galicia, informou da situación aos concellos das provincias afectadas; ás Deputacións, servizos provinciais e agrupacións de voluntarios de Protección Civil e aos clubs náuticos, entre outros. Deste xeito, agárdase que se adopten as medidas oportunas para garantir a seguridade dos bens e das persoas.

Tamén recórdaselle á poboación a importancia de seguir as medidas de protección como evitar aproximarse a diques ou rompentes co fin de previr un eventual golpe de mar que poida arrastrar persoas ou obxectos ou vixiar posibles caídas de obxectos desde balcóns e fiestras. Ademais, aconséllase consultar a páxina web do CAE 112 (www.112galicia.org), que conta con información meteorolóxica e con enlaces de interese.

- Publicidade -

ÚLTIMA REVISTA

+ VISTOS

SÍGUENOS

691FansGóstame
300SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies