A Vicepresidenta da República e ministra de Relacións Exteriores de Panamá, Isabelle de Saint Malo de Alvarado, e a Directora Xeral da UNESCO, Irina Bokova, asinaron o pasado 30 de outubro, na Sede da UNESCO un protocolo de acordo de cooperación de mutuo beneficio para ambas as partes que prevé o envío de profesionais panameños en apoio das actividades do Centro do Patrimonio Mundial da UNESCO.
Eses profesionais poderán logo aplicar a experiencia que adquiran na UNESCO á protección e xestión dos sitios culturais de Panamá.
A firma do acordo produciuse ao termo dunha reunión bilateral no curso da cal a vicepresidenta e a Directora Xeral evocaron a necesidade de asegurar unha protección ao longo prazo do Sitio arqueolóxico de Panamá Vello e distrito histórico de Panamá, inscrito na Lista do Patrimonio Mundial en 1997. Isabelle de Saint Malo de Alvarado agradeceu tamén o apoio da UNESCO á salvaguardia do patrimonio cultural subacuático panameño.
En 2001, Panamá foi o primeiro país en ratificar a Convención da UNESCO sobre a protección do patrimonio cultural subacuático.
Isabelle de Saint Malo de Alvarado estivo acompañada na súa visita por Flavio Méndez, embaixador delegado permanente de Panamá na UNESCO, de Gina Latoni, conselleira, e de Analuisa Bustamante, Directora Xeral do ministerio panameño de Relacións Exteriores.
