Este venres 4 de xullo, ás 19:30 horas, Ferrán López Alagarda ofrecerá a conferencia Xapón e a súa arte en miniatura: o netsuke e o okimono no auditorio da Fundación Luis Seoane
Con motivo da celebración da exposición Arte e guerra. Geishas e samuráis no antigo Xapón, actualmente nas salas de Fundación Luis Seoane, o comisario da mostra, Ferrán López Alagarda, impartirá este venres 4 de xullo, ás 19:30 horas, la conferencia Xapón e a súa arte en miniatura: o netsuke e o okimono na que fará un percorrido pola temática, significado e características destas pequenas esculturas ao longo da historia. A conferencia terá lugar no auditorio da Fundación, e a entrada é libre ata completar capacidade.
Visitas guiadas
Antes, ese mesmo venres 4, ás 12:00, e o sábado 5 de xullo á mesma hora, o comisario ofrecerá dúas visitas guiadas á exposición, dirixidas a todas aquelas persoas interesadas en afondar nesta proposta acerca da vida no Xapón do século XIX. O acceso é libre (prazas limitadas).
