Ten por obxectivo permitir o desenvolvemento dunha serie de infraestruturas relacionadas co deporte, o ocio e o turismo
A Deputación de Pontevedra aprobou a concesión dunha axuda ao Concello de Baiona, por valor de 60.500 euros, para a redacción do Plan Especial de dotación de infraestruturas <As Costeiras>.
O PXOM Baiona delimita un espazo para unha Área Deportiva. O seu desenvolvemento está suxeito á previa redacción dun Plan Especial de dotación de infraestruturas denominado <As Costeiras>.
Con esta actuación, o Concello pretende construír no futuro unha serie de infraestruturas relacionadas co deporte, o ocio e o turismo que virán a completar a oferta turística e deportiva de Baiona e posibilitarán a creación de postos de traballo ao tempo que servirán de acicate e revitalización do turismo e do desenvolvemento económico da comarca.
