Inicio Vigo e área Redondela A Casa da Cultura de Redondela, acolle unha charla-coloquio sobre a figura...

A Casa da Cultura de Redondela, acolle unha charla-coloquio sobre a figura de Jella Lepman

A Casa da Cultura de Redondela, acolle unha charla-coloquio sobre a figura de Jella LepmanO próximo 26 de outubro, como conmemoración do Día da Biblioteca, celebrarase na Casa da Cultura de Redondela, ás 20:30 h.,  unha charla-coloquio sobre a figura de Jella Lepman, organizada polas Bibliotecas Municipais de Redondela coa colaboración da Asociación de Amigos das mesmas.

A conferencia estará impartida por Teresa Zataraín , xornalista e editora da viguesa editorial Creotz e responsable da edición e tradución española de “Un puente de libros infantiles”, autobiografía de Jella Lepman, por cuxa tradución e publicación  foi convidada polo goberno alemán  a participar, neste mes de outubro,  na Feira de Frankfurt, a maior feira comercial de libros do mundo

Jella Lepman, é unha muller moi descoñecida; escritora e xornalista alemá de orixe xudea, xusto antes da II Guerra Mundial, viu como ardían na fogueira infinidade de libros. Lepman fuxiu de Alemaña cos seus fillos e comezou unha nova vida en Inglaterra. Ao termo da guerra, regresou ao seu país para traballar coas mulleres e os nenos en valores de liberdade e democracia. Lepman atopou unha Alemaña devastada, pechada en si mesma, e comprendeu a urxente necesidade de abrir a mirada dos nenos e mozos ao mundo exterior a través dos libros.

Os seus proxectos máis inesquecibles: a creación da Biblioteca Internacional da Mocidade en Múnic,  a fundación do IBBY, Organización Internacional para o  Libro Xuvenil e a promoción do premio Hans Christian Andersen, considerado o Nobel da literatura infantil

Máis información:

http://bibliotecasredondela.blogspot.com/2018/10/unha-ponte-de-libros-infantis-jella.html

- Publicidade -

ÚLTIMA REVISTA

+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies