A Camelia hibrida “Rosalía de Castro” entra no Catalogo Galego Árbores Senlleiras
A Xunta de Galicia publicou a ampliación do Catalogo Galego de Árbores Senlleiras e nesta ocasión tamén se incluíu co número 175A o exemplar de Camellia hibrida “Rosalía de Castro” que se atopa na Casa Museo de Rosalía de Castro. en Iria Flavia, Padrón.
Ademais, xunto á camelia incluíronse outros exemplares, algúns moi significativos, como é o caso dos acerolos da Finca Areeiro. Trátase de tres exemplares moi notorios e raros que alcanzan gran tamaño e unha idade próxima aos 100 anos xa que estas árbores tiñan un tamaño importante cando en 1962 adquiriuna a Deputación de Pontevedra.
