Inicio Vigo e área Soutomaior A Biblioteca Municipal de Soutomaior inicia os seus Clubs de Lectura en...

A Biblioteca Municipal de Soutomaior inicia os seus Clubs de Lectura en alemán, inglés e francés.

Todos os clubs reúnense quincenalmente para comentar as obras

Os clubs de lectura da Biblioteca Municipal de Soutomaior volven á actividade despois do verán. Despois do inicio do club de galego/castelán o mes pasado, agora é a quenda dos idiomas estranxeiros. Os membros de cada club reúnense dúas veces ao mes ao redor dun libro cuxo título se acordou con anterioridade para compartir as ideas, as sensacións e as opinións que xorden ao redor do texto seleccionado co resto dos compañeiros, mesmo se é posible, co propio autor.

Para o Club de lectura en alemán, un dos que máis acollida presenta e que reúne a xente procedente de toda a comarca, propúxose a obra Jeder Tag ein Weg zum, de Anselm Grün. Este grupo reúnese sempre os xoves, a partir das 16:00 horas, cada dúas semanas, comezando mañá mesmo co primeiro encontro coa coordinadora, Andrea Costas.

No caso do Club de Lectura en Francés, coordinado por Isabelle Nowak, as reunións celébranse o primeiro e terceiro luns de cada mes, ás 19:00 horas. O libro proposto para este primeiro ciclo é Lles hirondelles de Kaboul, de Yasmina Khadra.

Biblioteca SoitomaiorPor último, o Club de Lectura en inglés, do mesmo xeito que o grupo de alemán, tamén se reúne os xoves alternos a partir das 19:00 horas. Este grupo está dirixido por Catherine Ou´Neill e ten como obra proposta para este mes o texto de Kathryn Stockett, The Help.

Todos os clubs contan con prazas limitadas. No caso das linguas estranxeiras, debido á complexidade dos textos propostos, aconséllase dispor dun nivel intermedio-alto no idioma seleccionado.

Para os interesados en participar no Club de galego/castelán, infórmase que aínda existen prazas e exemplares dispoñibles para a lectura deste mes, A Vida de Pi, de Yann Martel. Este grupo, dirixido por Eva Rodríguez Ferreiro, alterna mensualmente o idioma e reúnese o último mércores de cada mes ás 18:30 horas.

 

- Publicidade -

ÚLTIMA REVISTA

+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies