Inicio Val Miñor Baiona 651 persoas beneficiáronse do Programa IRENE en Baiona

651 persoas beneficiáronse do Programa IRENE en Baiona

651-persoas-beneficiaronse-do-programa-irene-en-baionaO Concello de Baiona, en colaboración co Instituto da Muller, veu desenvolvendo desde setembro do 2014 ata setembro de 2015, o programa IRENE, do cal se beneficiaron 651 persoas do municipio.

O obxectivo do programa foi visibilizar a violencia sexual en adolescentes e mozas como un problema social e estrutural desde a perspectiva de xénero xerando mecanismos de prevención e intervención e o traballo en rede.

En termos xerais os beneficiarios foron: Profesionais de Atención Directa; Profesorado; Adolescentes; Pais e Nais, Axentes Sociais e Sociedade en xeral.

Con todo cada acción do programa estivo deseñada para dar cobertura aos diferentes colectivos de persoas beneficiarias:

1. O 25 de novembro do 2014, tivo lugar a ‘Xornada de Información sobre agresións sexuais’ dirixida a AMPAS, Asociacións de mulleres, Asociacións Veciñais, Persoal político, Axentes sociais do territorio e público en xeral. Ás xornadas acudiu un gran número de persoas. Esta actividade permitiu presentar o Programa IRENE publicamente, á vez que informar sobre determinados aspectos obxectos dos relatorios elaborados por expertos e expertas.

2. O 14 e 15 de maio do 2015 fué a quenda dos ‘Talleres de Prevención e Intervención da Violencia Sexual’ dirixidos a todo o alumnado de Secundaria dos Centros de Ensino do municipio (CPI Covaterreña e IES Primeiro de marzo). En total impartíronse 5 talleres de máis de hora e media de duración cada un, formando a un total de 496 discentes (253 alumnas e 243 alumnos).

3. O 13 e 14 de maio do 2015 celebráronse os ‘Talleres de Formación e Prevención en Violencia Sexual no marco Educativo’ dirixidos ao profesorado de secundaria do territorio.

4. O 25 de xuño celebrouse a ‘Xornada Sobre Violencia Sexual E De Xénero En Mozos E Adolescentes: Unha Proposta Profesional’ dirixida a profesionais de atención directa a vítimas de violencia sexual: Corpos e Forzas de Seguridade, Profesionais do Ámbito Social, Persoal Sanitario, Persoal de Servizos Sociais, Fiscalía, Avogacía e Xudicatura, Educadores; Persoas Expertas en Violencia.

651-persoas-beneficiaronse-do-programa-irene-en-baiona

 

Durante todo o período temporal do Programa IRENE estableceuse un ‘Espazo Virtual referencia en materia de violencia sexual e violencia de xénero no Territorio’. Esta acción naceu como elemento complementario das accións do Programa anteriormente mencionadas e con vocación de impulsar e facilitar o traballo en rede de todas as e os protagonistas do Programa (profesionais de atención directa; persoal educativo; adolescentes; pais e nais, axentes sociais, sociedade en xeral). O seu obxectivo foi o de establecer un espazo virtual propio do programa no territorio que facilitase un coñecemento inmediato sobre: conceptos básicos sobre violencia sexual e violencia de xénero; detección; pautas de actuación; recursos; noticias; desenvolvemento do programa, e posibilitar un fluxo de información constante entre a poboación destinataria do programa e as responsables do mesmo no territorio. Para ese efecto, a súa organización se adecuou á estrutura organizativa das accións do Programa no territorio (Xornada de Información sobre agresións sexuais; Talleres de información e intervención de violencia sexual no marco educativo; Curso de formación de asistencia primaria a vítimas de violencia sexual), e engadindo unha área de ‘información de interese’ e outra de ‘ligazóns’. O espazo web virtual está activo na páxina web do municipio e seguirase nutrindo a través de información actual sobre a materia.

Coa implementación do Programa IRENE no Concello de Baiona, estableceuse unha rede informal entre os profesionais de atención directa ás vítimas, profesionais do ámbito xurídico, social, psicolóxico, sanitario e Forzas e Corpos de seguridade o que leva unha mellor coordinación de todos os axentes implicadas na atención directa, evitando unha victimización secundaria e ofrecendo unha atención integral e coordinada máis eficaz.

Ademais, os resultados do Programa e as necesidades detectadas serán tidas en conta para a elaboración do próximo Plan Municipal de Igualdade e concretamente para a área de prevención e intervención en Violencia de Xénero.

O pasado día 25 de novembro ?Día Internacional contra a Violencia de Xénero? ás 12:00h. o Concello de Baiona procedeu a dar lectura da Declaración aprobada no pleno do Concello, contra a Violencia de Xénero e gardando un minuto de silencio en sinal de condena, repulsa e solidariedade coas vítimas e as súas familias.

- Publicidade -

ÚLTIMA REVISTA

+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies