Inicio Pontevedra 50 alumnos de primaria do colexio Manuel Padín Truiteiro de Soutomaior, realizan...

50 alumnos de primaria do colexio Manuel Padín Truiteiro de Soutomaior, realizan unha visita ao Concello

50-alumnos-primaria-colexio-Manuel-Padín-Truiteiro-Soutomaior-realizan-unha-visita-ConcelloO alcalde de Soutomaior, Agustín Reguera, recibiu esta mañá a visita de case 50 alumnos de 4º de Primaria do Colexio Manuel PadínTruiteiro na Casa do Concello.

O tradicional encontro pretende fomentar o achegamento dos máis pequenos ás institucións públicas

Nunha amena charla no salón de plenos do Concello, os pequenos formularon as súas preguntas o rexedor local e recibiron de mans do mesmo un pequeno obsequio de material escolar. O tradicional encontro finalizou cun breve percorrido polas oficinas municipais onde os alumnos puideron comprobar de primeira man o funcionamento da Casa Consistorial e observar o traballo que nela se realiza a diario.

Sentados da mesma maneira que o fan os edís nos plenos, os pequenos tiveron a oportunidade de transmitir persoalmente ao alcalde as súas preguntas e desexos, como un novo patio para o colexio, unha piscina ou un novo campo de fútbol.

50-alumnos-primaria-colexio-Manuel-Padín-Truiteiro-Soutomaior-realizan-unha-visita-ConcelloTras expor as súas peticións e inquietudes, os alumnos escoitaron atentamente unha pequena explicación sobre algúns dos aspectos de interese do Concello de Soutomaior como a súa historia, o seu funcionamento ou o proceso electoral a través do cal se elixe o goberno municipal. Unha exposición da que tomaron boa nota, xa que esta visita supón un complemento práctico ás clases teóricas que reciben no colexio sobre a utilidade e o funcionamento das institucións públicas.

A continuación, o alcalde, Agustín Reguera, realizou un obsequio de material escolar aos pequenos, un plumier repleto de lapis e bolígrafos, como premio á súa atención. Un agasallo útil e que á vez lles sirva de recordo desta educativa xornada. A visita finalizou cun pequeno percorrido polos despachos e dependencias municipais mentres o alcalde e diversos membros do goberno local explicaban aos alumnos o traballo que se realiza en cada unha delas.

Ao termo do encontro, o alcalde, Agustín Reguera, expresou a súa satisfacción polo desenvolvemento da visita, a que cualificou como “unha experiencia moi positiva para os estudantes, xa que ademais de complementar de maneira práctica unha parte fundamental do temario, supón, para moitos dos alumnos, o seu primeiro contacto co Concello e as administracións públicas“.

- Publicidade -

ÚLTIMA REVISTA

+ VISTOS

SÍGUENOS

680FansGóstame
290SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies