O vindeiro sábado día 6 de febreiro celébrase no encoro David Cal en Verducido o control de 5000m para as categorías Cadete, Xuvenil, Senior e Veterano, nas modalidades de canoa e kaiak tanto en categoría masculina como feminina.
A proba está organizada polo comité técnico da Federación Galega de Piragüismo. Esta regata é de carácter amigable e está incluída no programa de seguimento elaborado para o ano 2016.
A menos dun mes para o inicio das distintas ligas galegas os clubs buscan nesta competición saber o punto de forma que teñen os seus deportistas a estas alturas da tempada.
O elevado número de participantes maniféstase sobre todo na categoría home senior kaiak e veterano onde participan máis de 140 deportistas ou nos homes cadetes Kaiak que suman 98 participantes.
Estes datos mostran a tendencia ascendente dos últimos anos, onde a federación galega aumentou o seu número de licenzas considerablemente.
O control de 5000m concentrará a 500 deportistas da comunidade.
Doutra banda, o domingo celebrarase no mesmo lugar, o control de 5000m para as categorías Infantil A e B nas modalidades de canoa e kaiak tanto en categoría masculina e feminina que congregarán a máis de 200 deportistas.
O horario previsto para o sábado é o seguinte:
10:00 | 1 | Home | Veterano | Kaiak |
10:40 | 2 | Home | Senior | Kaiak |
11:15 | 3 | Home | Junior | Kaiak |
11:50 | 4 | Home | Cadete | Kaiak |
12:30 | 5 | Home | Veterano, Senior e Junior | Canoa |
12:33 | 6 | Home | Cadete | Canoa |
13:15 | 7 | Muller | Veterano, Senior e Junior | Kaiak |
13:18 | 8 | Muller | Cadete | Kaiak |
13:21 | 9 | Muller | Senior, Junior e Cadete | Canoa |