O presidente da Xunta, Alberto Nuñez Feijoo, recibiu onte ao Alcalde de Baiona, Anxo Rodal Almuiña, para coñecer de primeira man as necesidades do municipio. Rodal acudiu á cita acompañado de María Iglesias Fernández, Primeira Tenente de Alcalde do Municipio e Ana Simóns Sánchez, Segunda Tenente de Alcalde.
Trátase da primeira visita de Rodal ao presidente como alcalde do Municipio. O rexedor presentou a Feijoo un ambicioso plan para Baiona para o próximos tres anos e medio.
Entre os temas e proxectos importantes para a Vila o rexedor destaca 6 investimentos máis urxentes: A terceira fase da humanización de Sabaris, renovando as pluviais de camiño dás Monxas e Pouquena, a reordenación do tráfico no porto pesqueiro de Baiona, a renovación de beirarrúas en avenida Monterreal e asfaltado, abrir Baiona ao mar coa renovación do novo paseo Pinzón onde se pode gozar dunha das postas de sol máis bonitas de Galicia e a renovación do céspede artificial do campo do Aral que é o corazón deportivo da nosa Vila.
O alcalde de Baiona, agradece a celeridade en que foi recibido polo dirixente rexional interesado por coñecer de primeira man as necesidades e inquietudes da vila Real, que xoga un papel moi importante no panorama galego.
“Recibir ao Acalde de Baiona é recibir aos baioneses”, subliñou Rodal, polo que agradeceu ao Presidente galego a entrevista, na que este “escoitou de maneira pormenorizada as demandas e reivindicacións de cuestións entre Xunta e Concello”. O rexedor avanzou que durante a reunión “marcaron o próximos tres anos e medio como horizonte para varios proxectos e medidas”.
“Durante 2016 veremos como se van desenvolvendo esas iniciativas e colaboracións, dentro do bo entendemento que existe entre administracións para dar solucións aos problemas e necesidades dos veciños”, destacou Rodal.
O rexedor baionés aproveitou a visita para convidar persoalmente o Presidente da Xunta á próxima festa da Arribada. Unha edición moi especial xa que será a primeira tras o seu nomeamento como festa de interese turístico internacional. Así mesmo, Feijoo foi convidado á ‘Presentación Oficial da Festa da Arribada 2016, declarada de Interese Turístico Internacional’, que terá lugar o vindeiro venres día 22 de xaneiro a as13:30 horas, na caseta de Galicia, con motivo da celebración de Fitur.
O alcalde fai un balance moi positivo da reunión tras ver o interese que Feijoo ten nos temas de Baiona.
O titular da Xunta, ofreceu ao rexedor a súa colaboración e a da institución que preside para traballar a favor de mellorar a calidade de vida de todos os baioneses.
