O deputado e alcalde de Gondomar Fernando Guitián, xunto co concelleiro de Mocidade, Ignacio Troncoso, fixo entrega a pasada semana do diploma acreditativo do curso ?Retoque Dixital Fotográfico? promovido pola Deputación de Pontevedra dentro do programa Actívache.
Durante a formación, de 40 horas de duración, os alumnos participantes adquiriron nocións básicas sobre o mundo da fotografía e as posibilidades do retoque dixital co consecuente aumento das súas competencias artísticas valorables en moitos dos perfís profesionais demandados.
O programa Actívache da Deputación de Pontevedra inclúe diferentes actividades formativas e educativas no ámbito do tempo libre que responden as demandas da poboación nova da provincia co fin de potenciar movementos de participación e cooperación social á vez que mellora a formación elemental da mocidade
