Un cadro do porto de Portonovo do ferrolán Manuel Carballeira Rivas logrou o primeiro premio no Certame de Pintura RápidaArra pechou esta fin de semana una das edicións de maior afluencia de visitantes da Feira Gastronómica de Produtos Galegos. Preto de 10.000 persoas pasáronse pola carpa situada na praia de Montalvo para degustar a variedade da carta na cita coas zamburiñas e o polbo como pratos estrela.
O presidente da Asociación Cultural San Cayetano de Arra, Bruno Vidal, fai unha valoración moi positiva da festa na que se superaron as expectativas iniciais. “Calculando por capacidade dás mesas que había pola carpa pasaron esta fin de semana preto de 10.000 persoas achegadas desde distintos puntos de España, pero tamén viñeron moitos veciños”, asegura.
Arra propón unha fin de semana de exaltación da gastronomía galega e unha cita cona pintura
O VIII Certame de Pintura Rápida ao aire libre celebrado onte serviu para poñer o broche de ouro ao fin de semana. Un total de 43 persoas participaron no concurso no que se repartiron 3.750 euros en metálico. Por segundo ano consecutivo, o ferrolán Manuel Carballeira Rivas fíxose co primeiro premio (1.000 €) na categoría de Adultos cun cadro do porto de Portonovo.
