Inicio Val Miñor Baiona Pedro Merino do Parador Conde de Gondomar foi o representante de Baiona...

Pedro Merino do Parador Conde de Gondomar foi o representante de Baiona no exitoso III Intercambio Gastronómico Vilas Mariñeiras

foto 3º Intercambio GastronomicoO xoves 23 de abril, celebrouse na localidade asturiana de Llanes, o III Intercambio Gastronómico de Vilas Mariñeiras. Tivo como protagonistas, a tres cociñeiros procedentes de Baiona, Llanes e Santoña, xunto coa Escola de Hostalaría do IES de Llanes.

Pedro Merino, do Parador de Turismo de Baiona, Pedro Noriega, de Castru O Gaiteru (Llanes) e Iván Rodríguez, das de Guía (Santoña), elaboraron un menú de seis pratos onde plasmaron o seu enxeño culinario e a súa inventiva creativa.

O tres cociñeiros contaron coa axuda dos alumnos da Escola de Hostalaría de Llanes, que se mostraron encantados de participar no intercambio gastronómico.

O menú degustación deseñado para a xornada, estivo formado por un primeiro prato de crema de améndoas, vieiras confitadas e praliné salgado. O segundo prato foi ensalada de raia escabechada con aguacate e cebola encurtida. Arroz meloso con ameixas cocochas e cebola encurtida foi o terceiro, seguido de salmonete á brasa con mollo do seu caldereta. O quinto prato do menú degustación foi taco de lacón de porco, sopa de patacas e chourizo. De sobremesa os comensais gozaron dunha crema de queixo pasiego con xeado de sobao.

Os asistentes tamén puideron degustar produtos da marca ‘Pescados da rula con arte-sans do Oriente de Asturias’, que agrupa ás lonxas de Ribadesella, Bustio e Llanes.

A posta en escena incluíu a disposición dun pequeno bodegón no que se exhibiron distintas delicatessen do dez municipios que conforman a Asociación de Vilas Mariñeiras. Patés de percebes, recoiro, anchoas, bonito, pescada de petisco, albariño, tortas e licores variados dan fe dunha variedade de exquisiteces que se converteron en emblema de Baiona, Sanxenxo, Ortigueira, Viveiro, Cudillero, Ribadesella, Llanes, San Vicente de la Barquera, Santoña e Laredo.

Con este intercambio preténdese divulgar o rico patrimonio culinario que atesouran as Vilas Mariñeiras e potencialo como unha das armas de sedución para atraer a visita e fidelizar a quen aprecian a excelencia gastronómica.

- Publicidade -

ÚLTIMA REVISTA

Publicidade

+ VISTOS

Publicidade
Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies