O informe de ‘Vixilancia sanitaria das zonas de baño de Galicia’, realizado pola Consellería de Sanidade, outorga a categoría de “Excelente” á calidade da auga as praias de Nigrán: Playa América, Patos e Area Fofa (en Monteferro), e Baiona: Barbeira, a Dos Frades e A Ladeira
Todos estes areais (Ladeira tras cuatro tempadas con cualificacións negativas, dende o pasado ano logra superar os controis). repiten o mesmo resultado por cuarto ano consecutivo (a última mostra foi o 29 de xuño de 2015, antes de que iniciase oficialmente a tempada, tal e como manda o protocolo)
Panxón (Nigrán) e Santa Marta, A Ribeira e A Concheira en Baiona.obtéñen a segunda mellor cualificación ao situarse como “Boa”. Todos estes areais repiten o mesmo resultado por cuarto ano consecutivo (a última mostra foi o 29 de xuño de 2015, antes de que iniciase oficialmente a tempada, tal e como manda o protocolo). Os análises, realizados por inspectores da sanidade pública dende a década dos 80, repítense ata unha decena de veces durante todo o verán (do 1 de xuño ao 30 de setembro) coa finalidade de difundir as cualificacións a tódalas partes interesadas (desde usuarios ata organismos estatais e autonómicos) e tomar medidas se fose preciso. Con estes datos se elabora o censo oficial das zonas de baño en toda a costa galega que se ven de publicar con tan bos parámetros para o municipio.
O servizo de Salvamento, Socorrismo e Primeiros Auxilios amplíase este ano ata o 15 de setembro e suma cinco novos profesionais
Outra das novidades deste ano é o aumento do número de socorristas nos areais de Nigrán e a ampliación da súa presencia ata o día 15 de setembro (ata agora finalizaban o 31 de agosto). Así, en cada un posto de salvamento figuran fixos dous socorristas e tres voluntarios de Protección Civil en horario de 12.30 a 20.00 horas.
O servizo de Salvamento, Socorrismo e Primeiros Auxilios é mancomunado, así, o ano pasado traballaban en total 20 profesionais para Nigrán e Baiona, e este ano contratáronse 23 coa previsión de aumentar a 25 (ambos municipios repártense practicamente ao 50% este número de traballadores.
Por outra banda, e como ven sendo habitual xa, ambos concellos manteñen o servicio de baño para persoas discapacitadas, así, dispoñen de cadeiras anfibias na zona de Lourido (Nigrán) e Barbeira (Baiona), que están á disposición dos usuarios interesados de 12.30 a 20.00 horas (no mesmo horario que o posto de Salvamento, xa que son estes profesionais os que se ocupan da súa utilización).
Máis información sobre o informe de ‘Vixilancia sanitaria nas zonas de baño de Galicia’: https://extranet.sergas.es/zonabaweb/ZONABA_GIS_WEB/Mapa.aspx?IdPaxina=62539
