Máis de 500 participantes tomarán a saída baixo a ponte de Barrantes o vindeiro sábado. O vindeiro sábado día 7 de agosto a partir das 16:30 horas darase a saída á 27º Edición a Baixada do Umia pertencente á liga galega das categorías cadete, xuvenil, senior e veterano. Nesta proba tomarán parte 524 deportistas que representan a 39 equipos.
Na tarde onte presentouse en Ribadumia unha das competicións fixas no calendario galego. Ao acto asistiron o alcalde do municipio David Castro, Manuel González deputado provincial, o presidente da Federación Galega de Piragüismo José Alfredo Bea e o director da proba José Manuel Vázquez. A partir das 16.30 horas un total de 397 embarcacións tomará a saída para cubrir os 12 quilómetros de percorrido.
O inicio da proba será baixo a ponte de Barrantes e os participantes tomarán dirección cara á desembocadura en Castrelo, para logo volver remontando o río ata a meta.
