Inicio Pontevedra Deporte e solidariedade cítanse o 26 e 27 de decembro en Baiona...

Deporte e solidariedade cítanse o 26 e 27 de decembro en Baiona no II Torneo Benéfico Nadal ‘Axuda ao Mundo Necesitado’

deporte-e-solidariedade-citanse-o-26-e-27-de-decembro-en-baiona-no-ii-torneo-benefico-nadal-axuda-ao-mundo-necesitado

O torneo que  está  organizado conxuntamente pola Concellería de Deportes do Concello de Baiona e o club Baitra Baiona Fútbol Sala, trátase dunha competición gratuíta e solidaria, pois a inscrición cóbrase en alimentos, 2kg de alimento por xogador ou 20kg por equipo, que serán  doados integramente á ONG local “Axuda ao mundo Necesitado”.

O Alcalde de Baiona na presentación do Torneo declarou que: “O deporte vai unido á competición pero eses días en Baiona non se compartirá senón que se compartirá cos máis necesitados. Citaranse deporte e solidariedade. Grazas a todos os que colaborades nesta iniciativa solidaria”.

O 26 e 27 de decembro disputarase o II Torneo Benéfico Nadal ‘Axuda ao Mundo Necesitado’ no pavillón Municipal de Deportes e o pavillón do colexio Covaterreña de Baiona simultaneamente.

O ano pasado a achega deste trofeo foi a maior do ano para a ONG, recadándose unha tonelada de alimentos. Este ano a organización pretende chegar á tonelada e media, polo que se fai un chamamento á colaboración a outros clubs,  Erizana Fc, Club Baloncesto Baiona, Club de Loita Sabarís, etc…e a ACEBA. Ademais, animan a todos tanto afeccionados como non afeccionados a que se pasen polos pavillóns e colaboren coa súa achega solidaria.

deporte-e-solidariedade-citanse-o-26-e-27-de-decembro-en-baiona-no-ii-torneo-benefico-nadal-axuda-ao-mundo-necesitadoXullo Villarino, secretario do Baitra Baiona Fútbol sala, confirmou que numerosos clubs de diferentes puntos de Galicia    desprazaranse ata a localidade  para disputar a competición. “O torneo adquiriu un destacado protagonismo nas competicións do Nadal a nivel galego. Ademais, ten unha relevancia importante dentro da tradición do Nadal de Baiona”.

A competición será disputada por 32  equipos, máis de 500 deportistas visitarán a nosa vila os días 26 e 27 de decembro polo que a iniciativa tamén é acollida con gran entusiasmo polos comerciartes  baioneses xa que estes xogadores vén acompañados por amigos e familiares que pasan as xornadas na vila.

Na súa intervención, Juana Alonso, presidenta da ONG de Baiona “Axuda ao Mundo Necesitado”  agradeceu a todos en nome dos beneficiarios a súa implicación co evento.

Así mesmo, dúas semanas antes do torneo instalaranse no pavillón de deportes municipal varios puntos de recollida de alimentos para aqueles que queiran achegar o seu granito de area á causa.

A organización busca voluntarios para axudar na recollida de alimentos. Aqueles que queiran ofrecerse poden poñerse en contacto coa organización a través de: teléfono (650 037 758 (whatsapp), mail baionafutbolsala@gmail.con ou facebook, Baitra Baiona FS.

- Publicidade -

ÚLTIMA REVISTA

+ VISTOS

SÍGUENOS

680FansGóstame
289SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies