A presentación da proba realizouse no Salón de Plenos do Concello de Baiona, nun acto no que estiveron presentes o alcalde, Angel Rodal, a concelleira de Deportes, María Jesús Martíns, o Delegado Provincial de Deportes da Xunta de Galicia, Daniel Benavides, o Director Técnico da Federación Galega de Atletismo, Óscar Fernández, e o Presidente da Agrupación Viguesa de Atletismo, Eleuterio García.
A Praia da Ladeira en Baiona, é o escenario elixido pola Xunta de Galicia para que este sábado pola mañá preto de 900 escolares da provincia de Pontevedra, participen no Campionato Provincial Escolar de Campo a través, a través do programa Xogade da Secretaría Xeral para ou Deporte.
Ás 10.30 iníciase o campionato coas categorías de benjamines, de idades de 8 e 9 anos; para concluír ao fío da unha coa carreira cadete masculino, os de 14 e 15 anos.
PARTICIPANTES
Poderán participar todos os colexios, ANPAS, asociacións e clubs que se teñan clasificado nos respectivos campionatos zonais da provincia, que cumpran os requisitos de mutualización no programa XOGADE e que fagan a súa inscrición nesta proba.
DORSAIS
Os dorsais serán facilitados pola organización ate 30 minutos antes do comezo da proba. Só se permitirá o uso dos dorsais facilitados. Sería conveniente que os dorsais se asegurasen con imperdibles.
PREMIOS
La entrega de premios está prevista a las 13:00 horas
Entregaranse medallas aos 3 primeiros clasificados individuais de cada categoría, e trofeos aos 3 primeiros equipos clasificados de cada unha.
CLASIFICACIÓNS
Estableceranse dúas clasificacións:
- Individual. Segundo a orde de entrada na meta.
- Por equipos. A puntuación dos equipos resultará da suma dos puntos obtidos polos 4/3 atletas mellor clasificados de cada equipo, e gañará o equipo que menos puntos sume. No caso de producirse un empate entre 2 ou máis equipos, resolverase a favor do equipo no que obtivera a mellor clasificación o último dos seus corredores que puntúe. Aqueles equipos que non cheguen á meta cos 4 ou, se é o caso, 3 atletas dos que puntúan, non puntuarán como equipo.
Para o campionato galego (alevín, infantil e cadete) clasificaranse os 2 mellores equipos de cada fase provincial, así como os 8 primeiros atletas clasificados individualmente que non estiveran incluídos nos equipos clasificados. En ningún caso se correrá o posto de invitado aos atletas que chegaran a partir do 8º clasificado.
En casos excepcionais, ou por interese da selección galega, a Secretaría Xeral para o Deporte poderá autorizar a participación de atletas a título individual que non participasen no campionato provincial, previa proposta razoada da FGA, e debidamente documentada.
