Inicio Pontevedra A nova Oficina de Turismo de Baiona estará totalmente operativa na Festa...

A nova Oficina de Turismo de Baiona estará totalmente operativa na Festa da Arribada

a-nova-oficina-de-turismo-de-baiona-estara-totalmente-operativa-na-festa-da-arribada

Ángel Rodal e Nava Castro inaugurarán as instalacións, que recibiron un investimento de 136.000 euros, o 17 de febreiro

O Concello Baiona estreará a nova súa Oficina de Turismo o próximo 17 de febreiro co obxectivo de estar totalmente operativa na XXII Festa da Arribada que se celebrará entre o 3 e o 5 de marzo.

Así o informou este xoves o alcalde de Baiona, Ángel Rodal, a preguntas da oposición no pleno municipal dos mes de febreiro. “A nova oficina estará a pleno rendemento na Festa da Arribada despois de que celebremos o 17 de febreiro a inauguración coa presencia da directora xeral de Turismo de Galicia, Nava Castro”, explicou o rexedor.

A instalación, que conta cunha superficie de 101 metros cadrados,  construíse cun investimento de 132.00 euros, aportados pola Axencia de Turismo de Galicia, e 4.000 para mobiliario, asumidos por parte do Concello de Baiona.

A Oficina de Turismo de Baiona, unha das poucas de Galicia que permanece aberta durante todo o ano, está situada na Avenida Arquitecto Jesús Valverde, fronte ao Pozo da Aguada, ven a substituír a anterior oficina de apenas 25 metros e colocada preto da entrada do Parador Conde de Gondomar.

O recoñecemento oficial como ruta xacobea do Camiño Portugués pola Costa, no que Baiona é epicentro, incrementou considerablemente nos últimos meses a afluencia de peregrinos á oficina turística, que tamén constata un aumento dos visitantes de nacionalidade estranxeira.

- Publicidade -

ÚLTIMA REVISTA

Publicidade

+ VISTOS

Publicidade
Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies