Arquivos diarios: 19 Abril, 2016

dobrete-para-o-club-de-mar-ria-de-aldan-en-bouzas

Dobrete para o Club de Mar Ría de Aldán en Bouzas

Na tarde do sábado 16 celebróuse na dársena de Bouzas en Vigo o  I Trofeo Liceo Marítimo de Bouzas, competición que pertence á liga...
O domingo 1 de maio celebrarase o I Trail Monte Aloia organizado pola Asociación Cultural Comisión de Festas Virxe das Dores de Guillarei en colaboración do Concello de Tui. Esta proba deportiva foi presentada esta mañá na casa do concello polo concelleiro de Deportes, Laureano Alonso, o presidente da Entidade Local Menor de Pazos de Reis, Enrique Pérez, e por parte da asociación organizadora Rafael Estévez e José Villaverde. Esta mañá na presentación o concelleiro de Deportes, Laureano Alonso, salientou o feito de que este evento deportivo estea organizado por unha asociación cultural que asume tamén a organización das festas parroquiais de Guillarei, así coma que o percorrido transcorre polo Parque Natural do Monte Aloia, lembrando que este foi o primeiro parque natural de Galicia. O presidente da Entidade Local Menor de Pazos de Reis, Enrique Pérez, amosou a súa satisfacción por contar con este evento na parroquia, agardando que o público acuda porque vai ser un bo espectáculo deportivo. Rafael Estévez, da Asociación Cultural Comisión de Festas Virxe das Dores de Guillarei, explicou que este será un evento máis que organicen dende este colectivo. O seu compañeiro José Villaverde, explicou que nos últimos anos os trails están tendo moito auxe, e tras participar en varios tanto a nivel nacional coma internacional, e adestrar para eles no Aloia, apostaron por realizar tamén un en Tui. Abondaba en que esta primeira edición é un punto de partida nun evento que, a medio prazo, agardan se poida converter nunha proba de referencia tendo en conta o valor engadido que ten ao transcorrer por territorio do Parque Natural do Monte Aloia. O Trail constará dun percorrido de 25 quilómetros polo Parque Natural do Monte Aloia cun desnivel de 1.400 metros. No traxecto, con dous ascensos, os participantes pasarán polo Alto do Castro dos Cubos, os muíños do río Tripes, a senda de Cabana-Cabaciñas, a Pedra do Acordo, o río Deique , os Muíños de Paredes, o alto de San Fins,... con tres avituallamentos ao longo do percorrido. A saída será ás 9h dende as instalacións deportivas da Macoca, en Pazos de Reis. Amais celebrarase tamén un minitrail con 15 quilómetros de percorrido e 800 metros de desnivel que sairá ás 9.30h do mesmo punto que o trail, e fará parte do percorrido do trail. A entrega de premios, tanto para a categoría absoluta coma en veteranos, está prevista ás 13h. A inscrición para participar tanto no Trail coma o Minitrail está aberta ata o próximo martes 26 de abril ás 23.59 a través da plataforma ChampionChip. Ata este xoves 21 o prezo é de 14 euros para o Trail e 10 euros para o Mintrail. Logo desa data estas cuotas se incrementan en 4 euros. Os interesados poden ampliar esta información en www.trailmontealoia.com ou na súa páxina de Facebook. Ata o momento teñen xa máis dun centenar de inscritos principalmente da provincia de Pontevedra e do Norte de Portugal, pero tamén de Madrid ou Las Palmas.

Tui presenta o seu ‘I Trail Monte Aloia’ que terá un percorrido de...

O domingo 1 de maio celebrarase o I Trail Monte Aloia organizado pola Asociación Cultural Comisión de Festas Virxe das Dores de Guillarei en...
baiona-organiza-diversas-actividades-para-conmemorar-o-dia-do-libro-e-o-iv-centenario-da-morte-de-miguel-de-cervantes

Baiona organiza diversas actividades para conmemorar o Día do Libro e o IV Centenario...

A concellería de Cultura do Concello de Baiona ten preparado un amplo programa de actividades para conmemorar o Día do Libro e o IV...
62-razons-para-vir-a-rias-baixas

“62 razóns para vir a Rías Baixas”

Todos os concellos da provincia de Pontevedra posúen un encanto especial, un recurso turístico singular capaz de impulsar a visita de viaxeiros e viaxeiras...
zona-franca-adquire-unha-obra-mural-da-artista-lourdes-alonso-do-centro-juan-maria-para-as-suas-instalacions-de-porto-de-molle

Zona Franca adquire unha obra mural da artista Lourdes Alonso do Centro Juan María...

A artista Lourdes Alonso, usuaria do Centro Juan María de Nigrán, fixo entrega esta mañá en Porto do Molle dunha obra na que plasma...

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies