spot_img
InicioVal MiñorBaionaPablo Marquina sentencia a  liga Baitra de vela en Baiona

Pablo Marquina sentencia a  liga Baitra de vela en Baiona

Pablo Marquina sentencia a  liga Baitra de vela en BaionaTras lograr colocarse en primeira posición na penúltima xornada de probas o regatista do Monte Real sentenciou este domingo a competición e levou a vitoria

Tras lograr coarse no podio de gañadores na penúltima xornada de probas, o regatista do Monte Real Club de Yates, Pablo Marquina sentenciou este domingo a liga Social Baitra tras facerse coa vitoria parcial da xornada e o ouro da clasificación xeral final.

Con apenas 11 anos de idade, o novo regatista suma así un novo triunfo a un espectacular ano no que encadeou varios premios en diferentes competicións náuticas. Tras recibir un galardón especial ao regatista máis novo da última edición do Trofeo Conde de Gondomar, Marquina coouse no podio do Campionato Galego de Optimist e proclamouse tamén Campión Sub-11 do Trofeo Granitos Ibéricos.

Con esta nova vitoria na liga Social Baitra, Marquina conclúe unha tempada brillante na que, segundo o seu adestrador Samuel Montouto, destacou polo seu gran esforzo e dedicación, unhas calidades que -asegura Montouto- permitíronlle lograr unha gran progresión e escalar postos na clasificación ata levar a vitoria final.

A prata e o bronce da clase Optimist foron para Yago Marquina e Nacho Salgueiro, que pelexaron ata o final polo segundo e terceiro posto, e finalizaron con 42 e 43 puntos respectivamente, a apenas 6 de facerse coa vitoria. Na clase 420, o tándem Nico Dominguez e Yago González, que viñan líderes desde a penúltima xornada, lograron facerse finalmente co triunfo.

Recolleron o seu galardón de mans do xerente de Baitra, Juan Carlos González, patrocinador do evento, e un dos principais impulsores da vela de base en Galicia. No acto de entrega de premios da liga Social Baitra entregaron diplomas a todos os alumnos de iniciación da Escola de Vela do Monte Real Club de Yates, un premio a Aitana Pérez como mellor regatista da tempada; e unha distinción especial ao seu adestrador Diego Montouto. Do Club Marítimo de Canido, que se sumou á competición do Monte Real cun grupo de alumnos, recibiron premio Jorge Troncoso e Nico Barreiro, que quedaron empatados a puntos tras as probas do fin de semana e levaron o primeiro e segundo premio da regata na clase Optimist.

Finalizada a liga Social Baitra e coa chegada do verán, o Monte Real Club de Yates pon en marcha a súa programación estival, na que espera recibir a unhas 400 persoas nas diferentes actividades que oferta. Cursos de vela lixeira e cruceiro, de mañá e de tarde para nenos e maiores, escapadas ás Illas Cíes, atardeceres en veleiro e prácticas de navegación nocturna son algunhas das propostas que ofrece o histórico club baionés.

CLASIFICACION XERAL FINAL LIGA SOCIAL BAITRA

 

CLASE 420 · LIGA BAITRA

  1. NICO DOMINGUEZ Y YAGO GONZÁLEZ
  2. SANDRA TRIGO Y ROSALÍA MARTÍNEZ
  3. EMMA ARANA Y ELENA MOLARES

 

CLASE OPTIMIST · LIGA BAITRA

  1. PABLO MARQUINA
  2. YAGO MARQUINA
  3. NACHO SALGUEIRO

 

INICIACIÓN · LIGA BAITRA

  1. AITANA PÉREZ
  2. JACOBO MIRANDA
  3. CARLA QUINTAS

 

- Publicidade -spot_img