O veleiro portugués Miudo, gaña o Trofeo Infinitus Rent

o-veleiro-portugues-miudo-gana-o-trofeo-infinitus-rentO veleiro portugués Miudo, armado polo destacado regatista luso Rui Ramada e patroneado pola súa filla Francisca Barros, alzouse vencedor este fin de semana do Trofeo Infinitus Rent, a liga de inverno de monotipos J80 organizada polo Monte Real Club de Yates desde o pasado mes de xaneiro.

Tras máis de tres meses de competición, o campionato despediuse de Baiona coa sexta e última xornada de probas, na que os veleiros participantes disputáronse as tres últimas regatas que acabaron por definir o podio de gañadores. Tres mangas que se celebraron con moi boas condicións e que permitiron manter a emoción ata o final, coas tripulacións dando o mellor de si na auga. O gran premio do Trofeo Infinitus Rent levoullo finalmente o Miudo, un barco do club BB Douro de Vila Nova de Gaia que navega polo Monte Real Club de Yates, no que se alternaron á cana Francisca Barros e Afonso Leite.

Ambos os patróns, os máis novos da competición, mantiveron ao Miudo nos postos de honra durante practicamente todas as probas e resolveron o campionato na última xornada ascendendo ata a primeira posición. O Okofen de Javier da Gándara, que chegou á final entre os favoritos para facerse co triunfo, empatado a puntos na clasificación co Miudo, volveu coarse unha vez máis no podio de gañadores, pero esta vez coa medalla de bronce. A prata do Trofeo Infinitus Rent levoulla o Virazón de Miguel Lago, que pelexou durante toda a competición por manterse nos postos de honra e finalmente conseguiuno. O Pousado do comodoro do Monte Real, Fernando Yáñez; e o Meltemi do Real Club Náutico da Coruña, patroneado por Guillermo Blanco; mantiveron a cuarta e quinta posición que arrastraban da penúltima xornada.

 

O punto e final á competición púxoo unha cea de confraternidade celebrada en Baiona, á que asistiron armadores, regatistas, colaboradores, responsables do comité de regata e do club organizador. Tamén estiveron presentes o xerente de operaciónes de Infinitus Rent, Luís Angel Martín; o director de desenvolvemento de negocio da compañía, Alberto Rodríguez; e Jorge Otero, delegado comercial en España e Latinoamérica da firma patrocinadora, unha empresa nada da unión de catro sociedades comercializadoras de renting tecnolóxico en España, con máis de 7 anos de experiencia no sector e unha facturación anual que rolda os 12 millóns de euros.

Preparados para o Campionato de España da clase J80 O Trofeo Infinitus Rent serviulle ao Monte Real Club de Yates de preparación para o Campionato de España de J80, que o club albergará a finais do próximo mes de abril. A súa frota de monotipos, a máis numerosa de Galicia e unha das máis destacadas da península, participará ao completo no nacional da clase, ao que as tripulacións do club acoden con aspiracións de levar o título. Baiona comezará a recibir aos veleiros chegados de diferentes puntos de España na última semana de abril e, tras unha xornada previa, reservada ao rexistro e pesada das tripulacións, a competición empezará o sábado día 28, para prolongará durante 4 días. O nacional de J80, enmarcado no Trofeo Repsol, finalizará o festivo do primeiro de maio coas últimas mangas e a entrega de premios aos gañadores.

Os J80 abren paso ao resto de clases Os monotipos J80 abriron o calendario deportivo do Monte Real Club de Yates para este 2018, un programa no que se inclúen un total de 15 competicións. Tras o Trofeo Infinitus Rent, celebrado entre xaneiro e marzo, abril será o mes do Trofeo Comunica e o Trofeo Repsol, a tradicional regata de primavera que o club leva celebrando desde hai máis de 40 anos.

Os veleiros clásicos 6 m serán os protagonistas do mes de maio, na regata 525 aniversario da arribada da carabela Pinta; e en xuño celebrarase en Baiona o Campionato Galego de Solitarios e a Dous. As dúas grandes citas do club, o Trofeo Conde de Gondomar e o Trofeo Príncipe de Asturias manteñen as mesmas datas que en anos anteriores, e celebraranse a finais de xullo e principios de setembro.

 

CLASIFICACIÓN XERAL FINAL  (Top5) TROFEO INFINITUS RENT

 

1.     MIUDO · Rui Ramada· We Do Sailing · 22 puntos

2.     VIRAZÓN · Miguel Lago · Monte Real Club de Yates · 30 puntos

3.     OKOFEN · Javier de la Gándara · Monte Real Club de Yates · 31 puntos

4.     CANSINO · Fernándo Yáñez · Monte Real Club de Yates · 38 puntos

5.     MELTEMI · Guillermo Blanco · Real Club Náutico de A Coruña · 46 puntos

 

 

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies