Na Festa do Judo Infantil, celebrada en Vigo o pasado domingo, participaron uns cincuenta deportistas tomiñeses, que amosaron que a canteira do club Baixo Miño está asegurada
Unha vez máis o judoka tomiñes BRAIS PEREIRA AMORIN, do club de judo BAIXO MIÑO subiuse ao máis alto do podium.
O deportista participou o pasado sábado, 17 de decembro, na COPA DE ESPAÑA JUNIOR DE GIJON na categoría de -81kg, realizando unha moi boa competición. Logrou impoñerse en todos os seus combates pola máxima puntuación, afianzándose como un dos mellores judokas na súa categoría a nivel nacional.
Á espera de confirmación oficial da Federación Española, o tomiñés sitúase entre o tres mellores judokas do ranking nacional.
Brais quixo aproveitar a ocasión para agradecer a axuda que lle prestou o Concello de Tomiño, así como o seu patrocinador, Construcións Castro.
Doutra banda, o pasado domingo, celebrouse en Vigo a Festa do Judo Infantil, na que participaron uns 50 judokas TOMIÑESES (CENTRO VIP E ESCOLAS DEPORTIVAS GOIAN) pertencentes ao clube de judo Baixo Miño. Deportistas de idades comprendidas entre os 3 e os 12 anos que demostraron que a canteira do club está asegurada.
Desde o club quérese dar o parabén a todos e todas, e desexarlles FELICES FESTAS; o mesmo que desde o equipo de goberno de Tomiño e o resto da corporación local.