A organización do Festival Primavera do Cinema presentou onte aos medios de comunicación na Galeria de Sargadelos de Vigo, as bases de convocatoria e as novidades para a súa quinta edición, que se celebrará do 23 ao 29 de maio en Vigo.
Segundo trasladaron o director do evento, Juan de Castro, e o axudante de dirección, Alfonso Castaño, os creadores galegos e lusófonos interesados en participar, poderán enviar as súas creacións ata o 17 de marzo para optar a cinco premios –mellores curtametraxes e longametraxes galegos e portugueses e mellor videoclip galego–, e un máis honorífico.
O festival celebrarase do 23 ao 29 de maio, con posibilidade de adiantar o seu comezo para “aumentar a expectación” e cumprindo así as pretensións da organización de que “creza e esténdase en días, filmes (o 2015 presentáronse 200 filmes e 53 proxectáronse) sedes e actividades paralelas”. subliñou Juan de Castro.
O director do Festival Primavera do Cinema pretende ir más alá dos espacios xa coñecidos e chegar aos barrios de O Calvario, Coia e Casco Vello, así como facer proxeccións na sede do Instituto Camões.
Unha das novidades principais deste ano é que a lusofonía pasa a formar parte da selección oficial a concurso
Ademais, durante os días do festival tamén se organizarán charlas e debates con personaxes do audiovisual e farase unha retrospectiva do documental galego do século XX -con pezas vinculadas a Galicia ou rodadas por galegos-. En total, serán entregados cinco premios: mellor longametraxe galega, mellor longametraxe lusófono, mellor curtametraxe galega, mellor curtametraxe lusófono e mellor vídeo-clip galego. Tamén será entregado un premio honorífico.
Pola súa banda, Alfonso Castaño anunciou a realización doutra clase maxistral, tras a impartida polo guionista Tirso Calero na cuarta edición, e expresou a intención da organización de “contar cun representante da cinematografía portuguesa, director ou actor, dos últimos anos”
Tamén revelou, como outra novidade a realización dunha retrospectiva do documentalismo galego do século XX con pezas vinculadas a Galicia ou rodadas por galegos. “Queremos que o festival sexa algo máis que unha sección oficial. Queremos que sexa unha proposta cultural“, apuntou Calero.
Repetirase nesta edición o Cinema Miúdo para nenos, é dicir, a proxección de películas mudas de principios dos anos 20 ambientadas con música en directo.
Juan de Castro incidiu na importancia desta quinta edición para “consolidar” o evento e adiantou “un par de sorpresas” para que “todos os vigueses respiren cinema e teñan ben claro que se está celebrando un festival”.
Tamén esperan que o Concello de Vigo déalles o “empuxe” que necesitan para afianzarse
Unha das novidades principais deste ano é que a lusofonía pasa a formar parte da selección oficial a concurso.
Finalmente De Castro destacou a colaboración co Instituto Camões e o Ministerio de Cultura de Portugal que, segundo dixo, será este ano “máis produtiva” e axudará a organizar algunhas proxeccións na sede do instituto, “ e contar con autores e realizadores portugueses”. Tamén esperan que o Concello de Vigo déalles o “empuxe” que necesitan para afianzarse.
Para mais información: http://www.primaveradocine.com/
Comments are closed.