Inauguración en Tui das Xornadas de Traballo sobre o proxecto de Cooperación entre Grupos de Desenvolvemento Rural “Potenciando capacidades en el rural”

inauguracion-tui-das-xornadas-traballo-proxecto-cooperacion-grupos-desenvolvemento-rural-potenciando-capacidades-ruralHoxe no edificio da Área Panorámica de Tui inauguraronse as Xornadas de Traballo sobre o proxecto de Cooperación entre Grupos de Desenvolvemento Rural “Potenciando capacidades en el rural”.
O acto contou coa presenza do alcalde en funcións de Tui, Miguel Ángel Capón Rey, a Presidenta do GDR 14, Sandra González Álvarez, a xefa de sección da Red Rural Nacional, Patricia Martínez Alonso e o xerente da ADR Maiv – Baixo Miño (EU Rural), Marco García.
Neste intercambio participan membros das xuntas directivas e dos equipos técnicos de outros GDR de toda España.
Unha vintena de grupos de desenvolvemento rural de toda a xeografía española, celebran hoxe en Tui, o segundo encontro de traballo organizado pola ADR Maiv – Baixo Miño (EU Rural), no marco da preparación do proxecto “Potenciando Capacidades en el Rural”, co obxectivo de presentalo á candidatura europea dos Proxectos de Cooperación no período 2014-2020, que sairá, probablemente, a final de ano.

O encontro inaugurado hoxe en Tui é o segundo sobre o mesmo tema organizado pola ADR Maiv – Baixo Miño (EU Rural); que pretender liderar a elaboración e aplicación do proxecto, no caso de que este fora aprobado.

Segundo explicou o xerente da ADR Maiv – Baixo Miño (EU Rural), Marco García. A asociación (antigo GDR14) ten a intención de liderar o proxecto “Potenciando Capacidades en el Rural”, e con tal motivo, a Red Rural Nacional (dependente do Ministerio de Agricultura y Pesca, Alimentación y Medio Ambiente), seleccionou de novo a comarca (a primeira reunión celebrouse en Tomiño) para realizar a reunión de traballo entre os socios do proxecto; asentar as bases da cooperación e definir e concretar os obxectivos da iniciativa; entre os que se atopa o de “crear unha ferramenta que nos permita achegar a todas as persoas do rural en risco de exclusión social e baixo nivel de formación, adquirir as competencias claves, necesarias para obter o certificado de profesionalidade”.

 

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies