A Xunta de Galicia recoñece o labor dos concellos galegos para manter a nosa Comunidade como a autonomía española con maior número de bandeiras azuis en 2015. Este ano Galicia acadou un total de 131 distincións a praias, 8 máis que o ano pasado, repartidas por un total de 40 concellos.
Un total de 40 concellos galegos logran este recoñecemento pola calidade e os servizos dos seus areais
Deste xeito, a comunidade galega acapara o 22% das 577 bandeiras azuis totais outorgadas en España pola Asociación de Educación Ambiental e do Consumidor (ADEAC) e vai seguida no ranking nacional pola Comunidade Valenciana (120 bandeiras).
A comunidade galega acapara o 22% das 577 bandeiras azuis outorgadas a praias españolas pola Asociación de Educación Ambiental e do Consumidor
Este ano Sanxenxo volve repetir posición como o concello galego con máis bandeiras azuis, con 12 praias distinguidas. En segundo lugar sitúase o concello de Cangas do Morrazo, ao manter as 10 bandeiras do pasado ano.
Este ano a ADEAC concedeu a primeira bandeira azul en augas interiores galegas na praia fluvial da Calzada, no municipio pontevedrés de Ponte Caldelas. Trátase da segunda bandeira azul que se outorga a augas interiores en España, logo da adxudicada a ao encoro de Orellana la Vieja, en Estremadura.
A praia fluvial da Calzada ten uns 250 metros de lonxitude e recibe uns 250 visitantes ao día de media. Trátase dunha zona de baño formada por unha presa de pedra nun bosque de ribeira de ameneiros, castiñeiros e carballos. A calidade destas augas de baño foi cualificada como excelente na temporada 2014. A praia disporá dos mesmos servizos que as praias marítimas con bandeira azul.
Na provincia de Pontevedra, destacan tamén o concello de Vigo, que mantén as 9 acadadas en 2014; o concello do Grove, que consegue manter as seis que xa tiña o pasado ano, e Marín, que este ano suma a praia do Santo ás de Aguete, Mogor e Portocelo.
O concello de Valdoviño recupera as 5 bandeiras azuis que tiña en 2013: Meirás-O Río, Frouxeira, Balea, Pantín e Vilarrube
Na provincia da Coruña é o municipio de Arteixo o que máis recoñecementos deste tipo obtén este ano, con sete. Fisterra, pola súa banda, volve á lista de concellos galardoados ao recuperar a bandeira azul para a praia de Langosteira. Destaca ademais que o concello de Valdoviño recupera as cinco bandeiras azuis que tiña en 2013: Meirás-O Río, Frouxeira, Balea, Pantín e Vilarrube.
Polo que respecta á provincia de Lugo son Barreiros e Foz os concellos máis recoñecidos, con seis galardóns cada un. Neste ano destaca a incorporación á listaxe de concellos con bandeira azul Viveiro e Cervo, coas praias de Area e O Torno, respectivamente.
A comunidade obtén ademais 19 bandeiras azuis a portos deportivos, os mesmos que en 2014, dos que nove son da provincia de Pontevedra, oito da Coruña e 2 de Lugo
Os criterios esixidos para a obtención de bandeiras azuis están relacionados coa calidade das augas, que ten que ser excelente; a seguridade, a completa dotación de servizos, a accesibilidade, a atinada xestión ambiental e a sustentabilidade dos areais e das dársenas.
Portos deportivos, centros e sendeiros azuis
En relación aos portos deportivos, en 2015 Galicia obtén 19 galardóns (os mesmos que en 2014), dos que nove son das provincia de Pontevedra, oito da Coruña e dúas de Lugo.
Galicia conserva os 14 centros azuis que tiña en 2014, dun total de 62 en España
É de destacar tamén que Galicia mantén os 14 centros azuis que xa tiña en 2014, dun total de 62 en toda España. O requisito para converterse en centro azul para un concello con bandeira azul ás súas praias ou portos, é a existencia dun centro de visitantes, aula do mar ou de natureza que ofreza educación ambiental sobre os ecosistemas litorais e o desenvolvemento sostible, así como información específica e/ou actividades relacionadas co programa Bandeira Azul. O municipio que queira optar a esta distinción debe presentar un dossier xustificativo da súa proposta, así como, ao ano seguinte, a memoria anual da actividade, xunto coa súa candidatura, que xustifique o mantemento da súa condición como centro azul en anos sucesivos. Por estes motivos, a Xunta de Galicia felicita aos concellos de Bueu, Sanxenxo, Illa de Arousa, Vilagarcía de Arousa, Vigo, Redondela, Muros, Oleiros, Ortigueira, Boiro, Ribeira e Burela, por sen quen de manter estes recoñecementos.
Por outra banda, este ano haberá 16 sendeiros azuis en Galicia, un máis que o ano pasado grazas á inclusión este ano do sendeiro litoral de Portonovo, en Sanxenxo. Estes galardóns outórganse a aqueles municipios que manteñen ou reforzan antigas sendas e camiños naturais no litoral para a realización de actividades recreativas, deportivas, turísticas e de educación ambiental.
Finalmente, Galicia tamén recibiu este ano dúas distincións temáticas: ao concello de Ribadeo en materia de Información e Educación Ambiental, e ao Club Náutico Ría de Ares, polo seu esforzo en Ruptura de Barreiras arquitectónicas e atención a persoas con necesidades especiais.
A continuación detállase por provincias, concellos e areais:
CONCELLO | PRAIA | Observación |
Boiro | Barraña | |
Carragueiros | ||
Piñeirón | ||
A Retorta | ||
Saltiño-Barraña | ||
A Ladeira do Chazo | ||
A Pobra do Caramiñal | Lombiña-Cabío | |
A Illa da Laxe | ||
Ribeira | Coroso | |
O Vilar | ||
Río Azor | ||
Porto do Son | Caveiro | |
Laxe | Praia de Laxe | |
Fisterra | Langosteira | Nova bandeira 2015 |
A Laracha | Caión | |
A Coruña | Riazor | |
Orzán-Matadero | ||
San Amaro | ||
As Lapas | ||
Arteixo | Barrañán | |
Combouzas | ||
Valcovo | ||
A Hucha | ||
Alba-Sabón | ||
A Salsa (Retibelo) | ||
O Reiro | ||
Oleiros | Bastiagueiro | |
Mera | ||
Santa Cristina | ||
Espiñeiro | ||
Miño | A Ribeira | |
Grande | ||
Perbes | ||
Ferrol | San Xurxo | |
Esmelle | ||
A Fragata-Pareixal (Covas) | ||
Doniños | ||
Valdoviño | Meirás-O Río | Novas bandeiras |
Frouxeira | ||
Baleo | ||
Pantín | ||
Villarube | ||
Ortigueira | A Concha | |
Morouzos | ||
Dumbría | Ézaro | |
Carballo | Saíñas | |
Pedra do Sal | ||
Muros | San Francisco | |
Mañón | Bares | |
Esteiro |
CONCELLO | PRAIA | Observación |
Burela | O Portelo | |
Ril | ||
A Marosa | ||
O Vicedo | Abrela | |
Xilloi | Nova bandeira 2015 | |
Viveiro | Area | Nova bandeira 2015 |
Cervo | O Torno | Nova bandeira 2015 |
Xove | Esteiro | |
Foz | Areoura | |
Peizás | ||
Os Xuncos | Nova bandeira 2015 | |
Llas | ||
A Rapadoira | ||
As Polas | Nova bandeira 2015 | |
Barreiros | As Pasadas | |
Lóngara | ||
Acantilado- Remior | ||
Fontela-Valea | ||
Altar | ||
Coto | ||
Ribadeo | Os Castros-Illas | |
As Catedrais |
CONCELLO | PRAIA | Observación |
A Guarda | O Muíño | |
Area Grande | ||
Baiona | Os Frades | |
A Barbeira | ||
Redondela | Cesantes (dereita) | |
Nigrán | Praia América | |
Patos | ||
Vigo | O Vao | |
Argazada | ||
Rodas (Illas Cíes) | ||
Figueiras (Illas Cíes) | ||
A Punta | ||
Tombo do Gato | ||
Fortiñón | ||
Canido | ||
Fontaíña | ||
Cangas do Morrazo | Areabrava | |
Nerga | ||
Menduiña | ||
Melide | ||
Areamilla | ||
Liméns | ||
Rodeira | ||
Arneles | ||
Francón | ||
Areacova | ||
Bueu | Area de Bon | |
Portomaior | ||
Lagos | ||
Lapamán | ||
Marín | Aguete | |
Mogor | ||
Portocelo | ||
O Santo | Nova bandeira 2015 | |
Poio | Xiorto | |
Cabeceira | ||
Sanxenxo | Areas | |
O Espiñeiro- A Lanzada | ||
Canelas | ||
Montalvo | ||
Silgar | ||
Bascuas | ||
Major | ||
Foxos | ||
Areas Gordas | ||
A Lapa | ||
Baltar | ||
Pragueira | ||
O Grove | A Lanzada | |
Rareiros (Paxareiro) | ||
Area da Cruz | ||
Area Grande | ||
Area das Pipas | ||
Area de Reboredo | ||
Illa de Arousa | Area do Secada | |
Camaxe | ||
Vilagarcía de Arousa | Campanario | |
Preguntoiro | ||
Ponte Caldelas | Praia fluvial A Calzada | Nova bandeira 2015 |