Festival IKFEM 2018: unha vintena de propostas musicais e de lecer baixo o lema Women Sound

Festival IKFEM 2018: unha vintena de propostas musicais e de lecer baixo o lema Women SoundComeza a conta atrás para a sexta edición do International Keyboard Festival & Masterclass- IKFEM. Do 20 ao 24 de xullo, a Eurociudade Tui- Valença converterase na capital da música de instrumentos de teclado e durante eses 5 días ofrecerá unha completa programación formada por 25 propostas culturais e de lecer baixo o lema Women Sound, que ten o obxectivo de visibilizar e homenaxear ás mulleres compositoras e intérpretes. 

A programación de actividades de IKFEM de 2018 foi presentada pola directora do festival, Andrea González, e os rexedores de Tui e Valença, Carlos Vázquez Padín e Jorge Mendes, respectivamente, nun acto celebrado este mércores no Parador de Tui. Tamén participaron na presentación o xefe territorial de Cultura, Educación e Ordenación Universitaria da Xunta en Pontevedra, César A. Pérez Ares; o deputado provincial de Cultura e Lingua, Xosé Leal, e o técnico da Agrupación Europea de Cooperación Territorial Galicia-Norte de Portugal, André Rodrigues. Así mesmo, a artista Najla Shami (que dará un concerto na xornada inaugural de IKFEM) presentou un novo instrumento no repertorio do festival: a kalimba -tamén coñecido como piano de pulgar- e interpretou con el algunhas pezas musicais. Na súa sexta edición, o festival quere consolidarse como referente, sendo a única cita dedicada exclusivamente á música de instrumentos de teclado. Ademais, IKFEM achega un novo enfoque da música clásica, que convive en perfecta harmonía con outros estilos como son o electrónico, o jazz, o barroco, o contemporáneo, o fado ou as músicas de raíz.

O Paseo Fluvial é o marco seleccionado para dar o pistoletazo de saída ao festival de música de instrumentos de teclado da Eurociudad Tui – Valença. Durante toda a tarde do día 20 sucederanse as actividades culturais e de lecer. Ademais de gozar dos concertos ao aire libre de Júlio Resende, Najla Shami, Andrea González e Ghost Beast; haberá zona de ioga, actividades infantís e foodtrucks. Igualmente, os asistentes poderán dar paseos en kaiak polo Miño durante os concertos.

Tras a espectacular inauguración de 2017, cun concerto simultáneo de 10 pianos na Ponte Internacional, IKFEM volve elixir a contorna do río Miño para a súa xornada de apertura, que este ano ten un obxectivo solidario. Esta xornada inaugural estará dedicada aos afectados pola explosión de material pirotécnico de Paramos e no lugar colocaranse urnas para recadar donativos.

Ademais, tanto Xuventudes Musicais de Tui como o Concello desta localidade quixeron mostrar a súa solidariedade aos afectados pola traxedia de Paramos a través da contención do gasto en IKFEM, co fin de axudar a estas persoas. En todo caso, realizouse un especial esforzo para manter a calidade do programa artístico e ofrecer artistas de primeiro nivel.

Últimas confirmacións

O lema elixido para a sexta edición de IKFEM é Women Sound, que ten o obxectivo de visibilizar e recoñecer o papel feminino na música. Concertos de recoñecidas artistas, repertorio de obras compostas por mulleres e actividades culturais de reflexión sobre a igualdade de xénero son algunhas das iniciativas programadas.
Festival IKFEM 2018: unha vintena de propostas musicais e de lecer baixo o lema Women SoundArtistas da talla de Rosa Torres-Pardo, Rocío Márquez, Júlio Resende, Maria Ana Bobone, Fernando Miguel Jalôto, António Oliveira, Susana de Lorenzo, Beatriz López Suevos e Rosario Martínez forman parte do cartel xa confirmado para a sexta edición de IKFEM, no que tamén participará a propia directora do festival, Andrea González, cun concerto en solitario na xornada inaugural (con obras de Ludovico Einaudi) e outro a catro mans xunto a Daniel Pereira. Así mesmo, a gaiteira e pianista Cristina Pato protagonizará un encontro sobre emprendemento cultural.
Como últimas incorporacións ao programa destacan as actuacións de Ghost Beast (grupo de música electrónica e art-pop que presenta o seu primeiro álbum, Winter´ s Horns), o Dúo Xistra (frauta e acordeón), a Orquestra de Cámara Lira e os contacontos musicais de Touporroutou; así como a celebración dun encontro feminino para reflexionar sobre o papel da muller na música. Ademais, e do mesmo xeito que outros anos, a programación musical completarase cos concertos dos talentos IKFEM (participantes da programación de masterclasses) e dos teclistas da Eurociudad (alumnado dos conservatorios de Tui e Valença).
Durante os 5 días do festival, o tren da Eurociudad estará dispoñible para traslados entre Tui e Valença, facilitando deste xeito o acceso aos distintos puntos onde se celebrarán os concertos. Paseo Fluvial, Catedral, sede da UNED e Teatro en Tui e Praza da República (Fortaleza) en Valença son as localizacións deste ano.
Masterclasses
Aínda permanece aberto, ata o 15 de xullo, o prazo de inscrición ás masterclasses da sexta edición de IKFEM. O programa educativo incluirá as especialidades de piano, piano-jazz, canto lírico, teatro musical e pianista acompañante. As persoas interesadas poden acceder a toda a información e cubrir o formulario de inscrición na web do festival: www.ikfem.com.
Sobre IKFEM
IKFEM foi creado por Andrea González en 2013 a través de Xuventudes Musicais de Tui co obxectivo de crear un espazo de enriquecemento cultural e promoción dos novos talentos. O festival non sería posible sen o fundamental apoio do Concello de Tui, Cámara Municipal de Valença, Deputación de Pontevedra, Xunta de Galicia, Instituto Nacional das Artes Escénicas e da Música, Agrupación Europea de Cooperación Territorial Galicia-Norte de Portugal, Direção Rexional de Cultura do Norte, Instituto Camões e Fundación Segundo Gil Dávila, así como doutros colaboradores e patrocinadores.
PROGRAMACIÓN COMPLETA

IKFEM 2018: WOMEN SOUND

Unha homenaxe á muller compositora e intérprete española e portuguesa con instrumentos de teclado e variedade de estilos musicais.

20 DE XULLO: XORNADA INAUGURAL. PASEO FLUVIAL – TUI

18:30h. Zona yoga, zona infantil, zona kayak, zona foodtruck

19:00h. Najla Shami: Latitudes

20:30h. Andrea González: Ludovico Einaudi

21:30h. Júlio Resende: Amália, Fado & Further

23:00h. Ghost Beast: Winter´s Horns

 

21 DE XULLO: PRAZA DA REPÚBLICA (FORTALEZA) – VALENÇA

12:00h. Teclistas de la Eurocidade. Alumnado de los conservatorios de Tui y Valença

13:00h. António Oliveira: Diálogos de género (charla-concierto)

17:00h. Touporroutou: Cuentacuentos musical infantil

18:30h. Dúo Xistra: Resonancias

23.00h. Maria Ana Bobone: Piano & Fado

 

22 DE XULLO: PRAZA DA REPÚBLICA (FORTALEZA) – VALENÇA

12:00h. Orquesta de Cámara Lira: Miniaturas clásicas

13:00h. Susana de Lorenzo, Beatriz López-Suevos & Rosario Martínez:

Eugenia Osterberger (charla-concierto)

17:00h. Encuentro de mujeres en la música

18:30h. Talentos IKFEM: participantes de las masterclasses

23:00h. Andrea González & Daniel Pereira: Las danzas de la vida

 

23 DE XULLO. CATEDRAL – TUI

22:00h. Fernando M. Jalôto: Del claustro al salón. Música barroca para órgano en femenino

 

24 DE XULLO – TUI

11:30h. Cristina Pato: Trascendiendo disciplinas: el artista sostenible del siglo XXI

Encuentro abierto en la UNED

21:30h. Rosa Torres Pardo, Rocío Márquez & Clara Muñiz: Desconcierto

Teatro de Tui

As actividades serán de entrada libre ata completar aforamento a excepción do espectáculo de Rosa Torres-Pardo, Rocío Márquez & Clara Muñiz, o cal terá unha entrada a prezo de 4 euros. As entradas poderán retirarse unha hora antes no teatro.

Please follow and like us:

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies