Elefantes de papel volve a visitar A Guarda cando xa cumpliron a metade das 52 presentacións que teñen pensado levar a cabo.
Este proxecto solidario, nado no mes de xaneiro, está recorrendo a nosa xeografía cun proxecto solidario co que pretenden visibilizar e recadar cartos para diferentes colectivos, asociacións ou ONG´s.
Coma sempre. doarán un euro por libro vendido á asociación sen ánimo de lucro Conrazones de A Guarda e a maiores outro euro á asociación Paleng Children´s Center de Lesotho e co que tamén colabora o IES A Sangriña de A Guarda.
A maiores visitan centros da terceira idade, de saúde mental, colexios e institutos onde, de xeito gratuíto, implican aos seus usuarios na teatralización dalgúns dos relatos do libro.
O proxecto non acaba aquí. O libro tamén será transcrito a Braille pola ONCE coa finalidade de que chegue ao maior número de persoas.
O luns, 30 de abril pasarán a mañá nos centros Avelaíña e San Xerome, lendo relatos cos seus usuarios e pola tarde presentarán o libro e o seu proxecto solidario ás 18.00h. na biblioteca do Centro Cultural de A Guarda.