A Copa Galega de Andainas 25 Kms rematará en Tui

Tui será a última sede dunha das probas do Open de Andainas 25 quilómetros, organizado polo Club Xistra de Vigo, en colaboración coa Federación Galega de Montañismo, o Concello de Tui e a Entidade Menor de Pazos de Reis.

O domingo 22 de outubro, dende o pavillón deportivo da Macoca, sairá esta quinta e última proba que resolverá os campións da Copa de Andainas de Regularidade de 25 Kms, tras as realizadas en Guláns, Fene, Cedeira e Taragoña (Barbanza).

copa-galega-andainas-25-kms-rematara-tuiA recollida das acreditacións empezará ás 08.00 horas, sendo a reunión técnica ás 08.45 horas e a saída ás 09.00 horas.

O trazado partirá dende o Pavillón da Macoca, subindo ata o Castro do Alto dos Cubos. Baixará cara ós muíños de Tripes e logo ascenderá ata a senda botánica e o Centro de Interpretación do Parque. Pasará pola Pedra do Acordo. A última ascensión será ata a Capela de San Xulián no Monte Aloia, para descender polo Rego de Pedra e retornar ó Pavillón da Macoca.

As inscricións aínda están abertas a través da páxina web www.xistra.org

 

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies