Ofértanse 80 prazas para rapaces e rapazadas de 4 a 11 anos. A inscrición está aberta ata o 21 de xullo
Do luns 24 ao venres 28 de xullo celebrarase nas instalacións deportivas Álvarez Durán de Tui o Campus de Fútbol Fundación Celta de Vigo. A súa presentación tivo lugar esta mañá, na casa do concello, a cargo do alcalde, Enrique Cabaleiro, o concelleiro de Deportes, Laureano Alonso, o director do Campus, Alexandre Abalde, e o secretario do Tyde, Quintín Areal.
Na presentación o alcalde, agradeceu á Fundación Celta de Vigo que siga pensando en Tui para levar a cabo esta actividade, xa que este será o segundo Campus na cidade, aos que hai que engadir dous clinics realizados nos últimos anos. Engadía o rexedor que esta actividade forma parte da variada oferta deportiva que hai na cidade, puntualizando que se levará a cabo nas instalacións Álvarez Durán onde foi cambiado o céspede de herba artificial e se realizou un muro de contención. Actuacións ás que se sumarán outros investimentos para que este campo poida estar en óptimas condicións.
Pola súa banda o concelleiro de Deportes, convidou a asistir a este Campus , e o secretario del Tyde, Quintín Areal, salientou que para o Tyde unha honra poder volver contar con este campus en Tui. OFinalmente o director do Campus, Alexandre Abalde, explicou as actividades que desenvolverán en distintas áreas sempre co obxectivo común do aspecto lúdico do fútbol.
Este Campus vai dirixido a rapaces e rapazas de 4 a 16 anos, – contando cun monitor pos cada 15 inscritos – cun máximo de 80 prazas. A inscrición está aberta ata o venres, 21 de xullo, en www.fundacioncelta.com podendo acadar máis información no 986 110 900. O prezo é de 130€ con carácter xeral, e de 115€ para aqueles participantes empadroados en Tui ou que sexan xogadores do Tyde. Terá lugar en horario de 10 a 14h de luns a xoves, e o venres haberá un pequeno tentempié continuando pola tarde coa clausura e outras actividades nas que tamén poderán participar os pais.
