A Gala do Deporte de Cangas, que terá lugar este venres 13 de xaneiro ás 20:00 horas no Auditorio Municipal, serve como colofón a un ano prolífico para o deporte cangués e como remate a este ano olímpico.
Loreto Costa, xornalista deportiva da TVG, presentará este evento dirixido por Borja Brun, que contará coas exhibicións do Club de Ximnasia de Pontevedra, Nelson Quinteiro e o seu equipo de cabaretistas e moitas sorpresas.
Nesta ocasión 78 son os deportistas nominados, dos cales 26 resultarán premiados. A maior parte dos trofeos foron feitos polos membros do Obradoiro Ocupacional da Asociación Xoán XXIII.
Non esquezades consultar a relación de persoas nominadas: http://cangas.gal/deportes/relacion_de_nominados.pdf
