spot_img
InicioVigo e áreaSoutomaiorA Deputación de Pontevedra recibe en doazón o importante legado histórico da...

A Deputación de Pontevedra recibe en doazón o importante legado histórico da última descendente viva da familia Soutomaior

a-deputacion-de-pontevedra-recibe-en-doazon-o-importante-legado-historico-da-ultima-descendente-viva-da-familia-soutomaiorYolanda-Josefina Rey Junquera Huergo, bisneta de Dolores López-Sotomayor e Soto, entregou á Carmela Silva a Carta Real de Fidalguía outorgada polo Rei Felipe V e un crucifixo do século XVII

 A presidenta da Deputación de Pontevedra, Carmela Silva, xunto ao deputado delegado de Turismo, Santos Héctor Rodríguez, recibiu esta mañá no Castelo de Soutomaior a doazón de importantes documentos históricos contidos no legado da familia Sotomayor, da man da última descendente viva desta liñaxe, Yolanda-Josefina Rey Junquera Huergo.

Máis polo miúdo, Carmela Silva recibiu de mans da familia Sotomayor a “Carta Real de Fidalguía outorgada polo Rei Felipe V aos ascendentes de Dolores López-Sotomayor e Soto, bisavoa de Yolanda-Josefina Rey, e un crucifixo do século XVII procedente da capela dos López-Sotomayor e que acompañou, de xeración en xeración, a transmisión da carta real ata chegar ás mans de Rey Junquera”.  Xunto á Carta Real de Fidalguía e ao crucifixo, o legado dos Sotomayor entregado esta mañá complétase con “mobles vitorianos con tallas de racimos e lámpadas”.

A presidenta da Deputación destacou o importante papel da “familia dos Sotomayor que xogaron un papel moi importante en todo o Estado e Europa”. De feito, Silva recordou que na musealización do Castelo hai un espazo destinado á familia no que se amosa a súa árbore xenealóxica.

O legado da familia Sotomayor, que conta cun espazo propio na musealización do Castelo, estará exposto tanto no recinto histórico como no Museo de Pontevedra

a-deputacion-de-pontevedra-recibe-en-doazon-o-importante-legado-historico-da-ultima-descendente-viva-da-familia-soutomaiorTodos os elementos cedidos por Yolanda-Josefina Rey Junquera situaranse en espazos acondicionados do Castelo de Soutomaior e do Museo de Pontevedra para que “todas as galegas e galegos e toda a cidadanía de Pontevedra e España poidan desfrutar destas pezas que teñen un valor incalculable”, subliñou Silva.  Por estes motivos, a presidenta da Deputación enxalzou a “xenerosidade” de Yolanda Josefina Rey Junquera e do seu marido, Prometeo Madarnas, “dúas persoas marabillosas, que aman a historia e a queren recuperar para transmitila ás novas xeracións, o que manifesta o seu compromiso co espazo no que viven, co territorio e coa historia”.

Pola súa banda, Yolada Josefina Rey e Prometeo Madarnas amosaron a súa satisfacción porque o legado da familia “non soamente vai estar gardado senón que vai estar exposto para que toda a poboación poida ter acceso a elo e participar dun pasado que é de todas e de todos”.

Con motivo da cesión deste importante legado histórico a presidenta provincial fixo entrega á familia de tres copias da Carta Real de Fidalguía, en nome da Deputación de Pontevedra, dúas copias do estudos xenealóxicos “Los López de Sotomayor desde Casimiri Madarnas-Genealogía y Documentación”, realizado pola historiadora María Elena Novás e polo historiador Jorge García, e tamén dúas copias do documento “El apellido y el Coto de Madarnas, un viaje desde el siglo XIII” realizado polo historiador Xosé M. Sánchez .

- Publicidade -spot_img